O Concello da Arnoia contará cun albergue no Camiño Miñoto Ribeiro e en colaboración coa Deputación de Ourense desenvolveranse proxectos como o acondicionamento e mellora da contorna da capela de San Mauro ou a organzación dunha proba internacional de «pádel-surf». As actuacións no devandito municipio foron avanzadas coincidindo coa visita do presidente da Deputación, José Manuel Baltar Blanco, á Arnoia para coñecer o estado das obras que se están realizando na rúa de Ou Pazo grazas a unha axuda do organismo provincial. O rexedor municipal, Rodrigo Aparicio, agradeceu o apoio da Deputación e asegurou que «traballaremos arreo» para materializar os proxectos anunciados.
Para crear o futuro albergue no trazado do Camiño Miñoto Ribeiro, actuación que servirá para potenciar este camiño a Compostela, acondicionarase unha antiga escola. No apartado de obras tamén se anunciou a humanización da contorna da capela de San Mauro e a mellora da rede de saneamento na Ponte.
Na nosa web utilízanse cookies propias e de terceiros con finalidade analítica e de márketing. Para continuar navegando é necesario aceptar a política de cookies.
